*جنگاؤں میں چیف منسٹر ریونت ریڈی کی سالگرہ کی تقریب، بچوں کے ساتھ کیک کاٹا گیا* *جنگاؤں میونسپل چیئرپرسن کڈاکنچی بالمّانی۔سرینواس نے بچوں کے درمیان سالگرہ کی تقریب منعقد کی*

,(عظیم ہند نیوز)جنگاؤں تلنگانہ ریاست کے چیف منسٹر اینومولا ریونت ریڈی کی سالگرہ کے موقع پر جنگاؤں کے اتیتھی گروکل میں میونسپل چیئرپرسن  کڈاکنچی بالمّانی اور سرینواس نے ننھے بچوں کی موجودگی میں سالگرہ کی تقریبات کا اہتمام کیا۔

اس موقع پر بچوں کے ساتھ مل کر کیک کاٹا گیا اور چیف منسٹر ریونت ریڈی کو سالگرہ کی مبارکباد پیش کی گئی۔ اس موقع پر نیک خواہشات کا اظہار کرتے ہوئے کہا گیا کہ چیف منسٹر ریونت ریڈی صحت و تندرستی، خوشی و مسرت کے ساتھ سو سال تک زندہ رہیں اور تلنگانہ ریاست کو مزید ترقی کی راہ پر گامزن کریں۔

اس کے علاوہ بچوں کے ساتھ کچھ وقت گزارا گیا اور دیوالی کے موقع پر انہیں پٹاخے بھی تقسیم کیے گئے۔ بچوں کی خیریت دریافت کرتے ہوئے اس خواہش کا اظہار کیا گیا کہ طلبہ کو بہتر تعلیم اور معیاری سہولتیں فراہم کرتے ہوئے انہیں اعلیٰ مقاصد کے حصول کے لیے حوصلہ افزائی کی جائے۔

اس پروگرام میں گروکل اسکول کے عملے، طلبہ اور دیگر افراد نے شرکت کی۔