*ایم ایل اے پلہ راجیشور ریڈی کی جانب سے جنگاؤں کے عوام کو دیوالی کی مبارکباد*

8,نومبر (عظیم ہند نیوز)جنگاؤں دیوالی کے مقدس تہوار کے موقع پر جنگاؤں اسمبلی حلقہ کے تمام عوام کو ایم ایل اے ڈاکٹر پلہ راجیشور ریڈی نے دلی مبارکباد پیش کی۔ انہوں نے نیک خواہشات کا اظہار کرتے ہوئے کہا کہ دیوالی کا تہوار برائی پر اچھائی اور اندھیرے پر روشنی کی فتح کی علامت ہے۔ یہ تہوار ہر ایک کی زندگی میں نئی امیدیں، مثبت خیالات اور خوشیاں لے کر آئے۔

انہوں نے خواہش ظاہر کی کہ دیوالی کی روشنی ہر گھر میں جگمگائے اور عوام کی زندگیوں میں خوشحالی، مسرت، صحت و تندرستی اور دولت و ثروت کی فراوانی ہو۔ انہوں نے کہا کہ خاندانوں کے درمیان محبت و الفت، سماج میں اتحاد اور بھائی چارہ فروغ پائے۔

ایم ایل اے پلہ راجیشور ریڈی نے دلی خواہش ظاہر کی کہ جنگاؤں اسمبلی حلقہ ترقی کی راہ پر مزید آگے بڑھے، عوام کی امیدیں اور خواہشات پوری ہوں اور ہر خاندان خوش و خرم زندگی بسر کرے۔ اس موقع پر انہوں نے حلقہ کے تمام عوام کو دیوالی کی مبارکباد پیش کی۔